elder-jhun-video

Pagsusuri kung nasa Pananampalataya

Wed, 26 May 2010 15:32:19 +0100

Mga Paalala sa mga Kristiyano

Mateo 7:13-23

1) Alam natin ang makitid na pintuan ngunit di namumuhay ayon sa makitid na daanan

2) Alam ang mga paraan ng paglilingkod ngunit di alamin kung ito ay ayon sa kalooban ng Diyos

3) Alam kung paano makikilala ang Diyos ngunit di tiyakin kung sila ay kilala ng Diyos

For God's Glory

ANG PANANAMPALATAYA AT GAWA

Wed, 28 Apr 2010 11:43:39 +0100

Ang Pananampalataya at Gawa

Paano ipapaliwanag ang sinasabi sa Roma 3:22-26 na ang tao ay mapapawalang sala sa pamamagitan ng pananampalatya lamang kay Kristo Hesus at ang sinasabi naman ng Santiago 2:14-26 na hindi lamang sa pananampalataya kundi sa kanyang ginawa?

Upang maintindihan ang binabanggit na mukhang magkasalungat na pahayag dapat munang isaalang-alang at paniwalaan na ang dalawang aklat ay Salita ng Diyos, at ang sinasabi Niya ay di kailanman may salungatan sapagkat iisa lang ang may-akda, ang Banal na Espiritu. Ang ating limitado na pag-iisip ang may deperensya at di ang Kanyang Salita. Dapat maunawaan at tanggap natin ang mga ito. Kailangan maunawaan natin ang isyu na pinag-uusapan, at ang pag-unawa sa pananampalataya.

Ang Isyu

Sa aklat ng Roma mapapansin natin ang diin ni Pablo na ang pagsunod sa batas ng Diyos ay di magdudulot ng katuwiran na magpapawalang-sala at tanging ito ay matatagpuaan lamang kay Hesus. At sa pamamagitan ng pananampaltaya kay Hesus ang tao ay magkakaroon ng katuwiran na magpapawalang-sala upang sa kanyang kaligtasan. Ang isyu ay may mga nagkakalat na miyembro ng sinagoga ng mga Hudyo na kailangan sundin ang batas ni Moises upang maging ganap para sa kaligtasan (Mga Gawa 15:5). Sila ay tinatawag na LEGALIST. Ating dapat na maintindihan na walang kinalaman ang mabuting gawa sa kaligtasan. Tanging ang pananampalataya lamang ang makakapagpawalang-sala sa tao.

Sa aklat naman ng Santiago ay may mga naghahayag naman na hindi na dapat sumunod sa batas sapagkat hindi naman ito ang magpapawalang-sala kundi ang pananampalataya kay Kristo lamang. Ang mga taong ito ay mga ANTINOMIANIST na kahit walang nais na sumunod sa batas ng Diyos ay may kaligtasan pa rin. Dapat nating tandaan na iniligtas ng Diyos ang tao upang sumunod sa Kanya (Ezekiel 36:27, Mateo 5:16 at Efeso 2:10).

Isa pa na isyu na dapat natin maintindihan na sa Roma ang pinatutungkulan ay Tunay na Kaligtasan. Pananampalatya ba o Gawa ang makapagbibigay ng kaligtasan? At sa aklat ng Santiago naman ay Tunay na Pananampalataya. Ano ang karakter ng isang tunay na pananampalataya? Paano malalaman na buhay na pananampalataya patay na pananampalataya? Ang Roma ay nakapokus sa kaligtasan at sa Santiago naman ay nakapokus sa uri ng pananampalataya.

Ang Pananampalataya

Ang pananampalataya ay ipinagkaloob ng Diyos hindi upang makilala si Hesus lamang kundi mamuhay din sa Kanya. Ito ay di patay na pananampalataya gaya ng mga demonyo na nananampalataya din sa Diyos ngunit walang pagsunod o walang mabuting gagawin na magbibigay kaluguran sa Diyos. Sa Hebreo 11:6 sinasabi na imposibleng malugod ang Diyos kung walang pananampalataya. Paano malulugod ang Diyos sa pananampalataya na namumuhi at rebelde sa Kanya gaya ng mga demonyo (Santiago 2:19).

Kung ating bibigyan ng konklysyon ang pananampalataya na binabanggit ni Pablo na magpapawalang-sala ay may karakter na nagpapasailalim sa kapangyarihan ng Diyos. Maraming gumagawa ng mabuti sa mundo at kung ito ang magiging sukatan ng kaligtasan ang mga Buddhist ay nararapat na maligtas kahit di kinikilalanag Diyos si Hesus at mga muslim na di kinikilala si Hesus bilang Diyos. At ito naman ay sumasalungat sa Gawa 4:12 na walang ibang pangalan na makapagliligtas kundi ang pangalang Hesus. Dapat tayong magpagpasalamat sa Diyos dahil ang aklat ng Santiago ay nagbibigay ng kaalaman at karunungan patungkol sa tunay na pananampalataya. Ang dalawang aklat na ito ay hindi nagbabangga sa doktrina kundi nagtutulungan upang makapagbigay ng sapat na karunungan sa tunay na kaligtasan ng tao. Sa Roma paano magkakaroon ng buhay na walang hanggan at ang sagot ay sa pananampalataya. Sa Santiago naman ay paano malalaman na tunay na pananampalataya. At ang sagot kung mayroong pagsunod sa Utos ng Diyos na siya ring tinuturing na gawa.

-jhun balanon-

FOR GOD'S GLORY

Tunay na Kristiyanismo

Sat, 10 Apr 2010 07:35:25 +0100

Sa loob ng mahabang panahon may iba’t ibang pananaw ang tao sa Kristiyanismo. Marami ang nagsasabi na sila ay Kristiyano ngunit may iba’t ibang pananaw patungkol sa kahulugan, prinsipyo, at pamumuhay Kristiyano. Sa ibang grupong panrelihiyon ang pagbibinyag sa bata ay pagkilala sa pagiging Kristiyano nito. Sa iba naman ay patungkol sa bautismo o pagsapi sa isang relihiyon. Ano nga ba ang ibig sabihin ng Kristiyanismo? Paano natin malalaman na ang isang tao ay isang Kristiyano? Bakit marami sa mga nagsasabi na sila ay Kristiyano ngunit sa kanilang pamumuhay ay walang Kristo? Ilan lang ito sa mga katanungan na gumugulo sa mga isipan.

Ako ay isa sa mga naguguluhan patungkol noon sa ganitong usapin kung sino nga ba an nagsasabi ng katotohanan patungkol sa Kristiyanismo. Ang nagpapagulo sa aking isipan patungkol sa Kritiyanismo ay hindi ang mga taong di tinganggap ang HESUS kundi ang mga taong nagsasabing tinanggap nila si HESUS bilang Panginoon at Tagapagligtas. Sapagkat marami sa aking mga nakasama sa ministeryo ay bumalik sa dating makamundong pamumuhay. Sila ay mga nagsasabing tinaggap nila si Hesus bilang Panginoon at Tagapagligtas, nagdesisyong susunod kay Hesus at masigasig sa mga gawain at sa kanilang ministeryo. Ngunit dumating ang panahon ay wala na sila sa ministeryo, at sa mas minahal na nila ang mundo ayon sa kanilang pamumuhay. Sa kanilang buhay ay hindi makikita ang Hesus. Sila ba ay tunay na Kristiyano o sila yaong mga tumatawag ng Panginoon, Panginoon kay Hesus ngunit hindi makakapasok sa Kaharian ng Diyos (Mateo 7:21) o yung nagsasabing nakasama nila ang Hesus sa hapag kainan at nangaral sa kanilang lugar (Lukas 13:25).

Ang tanong na, “Paano natin malalaman na ang isang tao ay isang tunay na Kristiyano?” ay napakahalagang sagutin upang mabenipisyohan ang bawat isa na naguguluhan patungkol sa Kristiyanismo, lalong lalo na malaman ng bawat isa na nagsasabing Kristiyano kung sila nga ba ay tunay na Kristiyano o hindi. Sa pagsagot din sa katanungan na ito, ito ay magbibigay ng katiyakan at katibayan sa kanyang estado sa harapan ng Diyos sa pamamagitan ni Hesu-Kristo. Malalaman niya na kung ang mga katangian ng isang tunay na Kristiyano ay wala sa kanya ay maging babala sa kanya ito upang siya ay magtiwala sa Diyos sa pamamagitan ng pagtalikod sa kasalanan at pananampalataya kay Hesu-Kristo bilang Panginoon, Tagapagligtas, at Diyos ng kanyang buhay. At kung malaman niya na siya ay tunay ayon sa katangian ng pagiging Kristiyano siya ay magkakaroon ng kagalakan sa kanyang kaligtasan.